TEMA

Clan Praise(s)

  • MAROTA PRAISE POEM: Rena re Bakgatla ba Dithebe. Re boa Mohlake, Mohlaka marole, mohlopiwa Mmasebutla sa Dimo  seolo mathebo, wa naka dira le magodu. Rena re bowa Phooko le Phookwana, mabje maramaga mabje magolo ka mabedi e kago mae a tshilwane. Re Bahlako ba Raphogole 'a Ngwato. Rena re Marota 'a Mahwibidu, Digolokwane tsa Tsate, dibolaya di ipolaela, boba tsa Mohlake....Ke Thulare morekereke „a Lebotša. Yo ba rego Lebotsa o tlotše motaga molomo Ebile e ke ke kgomo e tšhungwana, Kgomo e tšhungwana a Lebotša.Ke nna maphikološe‟a matswaka le mabu Theledi‟a Marota, Theledi ka Borwa o tš‟o senya, Theledi‟a Marota. Ke masenyeletše‟a Matuba. Masenya magadi a batho..Ke mo go tlago lethebeswane la noka ya Tubatse, O re: Ga ke thebose, ke theoša le melapo. Ke maramanyane a mmoto „a Tšate, Theledi a Marota. E a rego ke ba theletše ba šala ba swara ba šele, Ba šala ba swara Bapedi ba-epa-tšhoga ka legong

  • Ke bathokwa ba maseboko, seboko sa thakga makubu kgomo  matebele makwankwana a hloka kgomo a ja motho, ke batho ba go tšwa serokolo titibje thaba ya makgolo, thaba serekwa ka kgomo le motho, thaba ya go mela megala-gala le medumela, ye phaswa ka pele leka morago ya sehlora ka godimo Ke ba bina mpsa ya naga phukubje ba re ya lla ga re je re šia go nkga melomo. O se mpone temanyana, go lema ke a lema, ke e ihlokela peu ya go bjala. Ke batho bago dula mmotong wa magomela, mmto wa go mela dihlodiRe mašalaba a ga Maloka, Maloka-a-mohwela sa gagwe,  ba re ba rile ge ba tshela noka ba kotama fase ka matolo, ba hlapa diatla metse a šala a nkga setebele, re ba mmasefo le motšwa khulwana matebele Makubu ba tlogetše Tema a mothokwa a rothobetše, a letile noka ntsho se elela makgaseng, noka ya badimo ga e tshelwe o rwele dibe ka diatla, e paletše lena ba boshega mašwega tenang Ke bathokwa ba mmaseboko ga se bokwe baneng se bokwa ka ntlong ngwana a belegwa, ke ba mmapelwana tša go tlala, tša tlala dia falala, ga ba šie ntwa ba tšhaba go fenywa.  Re makubu a ntlo tša goswa, Re bana ba ga bo Mmasemanodi sa Makgaseng. Ga Molala kgoši ya makubu SEROKOLO!!!!!!!!!

Surnames