MACHIMANA

Clan Praise(s)

  • MACHIMANA (KU WISA) Machimana (Mahange) hi yena wa xivokwana xo fe vutinti hi ku lawula nhlolo. Madangala hi yena loyi a ti vula muhlangana wa hlomula fumu a rhanga ndlela, kasi yena hi xiviri a nga ri muhlangana, enhlangana a lo ya chima kona eku wisisa mbilu leyi a yi tele hi ku dlayeriwa mbyana ya vuhloti byakwe. Nhlota kule, Mahange wa Dzungeni. Jekejeke ra milomu, ximiyela ni vusiku hi ku etlela wa le Tshimbyana, eNgomana eDzongeni. Wa rhaku rikulu n’wambyinyana (hi ku mbyinyela vanhu), Xitlundlunya hi mbhingo (mbhinyi wa tlharhi) matlhari ya sale ku lweni na va nhambise vanhu. Hatlana ni vurhonga loko byi tsuvuka Hi vapetapeta nkuwa wa le mbhandzweni xiphamela vahundzi. Nkanyi wa le ndzelekanini, Mahlota kule. “N’wa-hlomula fumu a rhanga ndlela” Dzungeni a ri n’wana Xitlhelana, xitlhela ni vavuti a chava ku oxa, a ku vambhatsana va nga n’wi hleka. Nkuna muhle mavuta a yi vonile ku xonga ka yona, n’wa-matswala hosi. Mavutana wa Mkhantshwa, eNghome, eN’walungwini waka Zulu. MAHANGE Mahange > Loyi hiyena a ti cinceke a ti vula Machimana kuve yena kahle kahle I Dzungeni. U ti cincile hikwalaho ka makwavo Shipalana a nga nwi dlayela mbyana ya yena yo hlota hikuva yena a ri munhu wo rhandza ku hlota, kutani makwavo a dlaya mbyana yakwe a ku hikuva Mahange a nga tshami la kaya, u tshama enhoveni, swi antswa a dlaya mbyana yakwe leswaku a ta tshama. Mahange u lanwile ekaya a famba a fika a kuma Vahlangana a tshama na vona, a ku wo wisa, u wisisa mbilu yakwe ku vava hi ku dlayeriwa mbyana, kutani wa “chima” (wisa), hi laha ku nga huma xivongo lexi xa Machimana. Mahange a sungula ku ti vula muhlangana wa hlomula fumu a rhanga ndlela, ku ve yena a hi muhlangana, u lo tshama evahlanganini. MAHANGE a tiveka ngopfu hi ku hlota, a ri xihloti lexikulu hikwalaho ku vuriwaka leswaku I Nhlota-kule,

Surnames