MABITSELA

Clan Praise(s)

  • SERETO  SA    BATAU - Mabitsela wa Uitkyk (Bochum)   Kgomo  e  a tshwa! E  Kgangwa    ke  mang ? E  Kgangwa   ke motsomele  wa meriti menga  mebedi maloba, tau  ya  Tsomela. Ke motho wa bo Mabitsela a bo di kgosi, Tau  se jela Leopeng, se gakantšha  diphukubje le magokobu. Ditau ge di e ja di a bopa  tša  etša  maloba  ge dibola.   O se bone Madidimalo  go didimala , pelo bohloko e bokwele. Batho ba motsomele o mohwibidu. K e rena batho ba Morua kgomo a Tsomele, ke rena batho ba go phušumana dithaba, Mathabatha a bo Mosima. Batho ba  bo-Tšhika makatse wa Tsomele.   Retlogile  Tsomele re phumegile, batho ba ka re bona ba re sega. Ba dia  methito yela ye mentši e ile  kae? Re šetše  re  seba  ka  fore  mmammaswi.   Batau weee-----------Ba bina šoro wee---   Shadrack M Mabitsela Uitkyk – Bochum 2013/08/28

  • Ditau -Matsumela a ma hwibidu Rita wee la morokobala la itšwe le mahufa gobedi Ke Mabitsela wa ramme Tau sejela leopeng. Le ge o ka e jela leopeng, magokobu a go bona. Ke batho ba bo tlhatla phokeng, motho wa mokgoshi wa mosegare. Ke batho ba bo tshikamatsepe ramano. Kgwading se kokotela lebitsi mokgotheng. Ko tsumele e tshwetse ka mosela Ke Rita la mmaMokgadi le Rita selemo, lehlabula e be mehudi ya phoka-noka. Ba re o se bone Rita go ifala bonanana bja yona e bo humane. Ke ba sekurumane sa ya lla se se rego nkaba Matome a Rita ka opela koma borethe le macheru a motlapema e mothata modula maeba. Banye bja lefe Matome bja nkgahla ka ya kumula ka leba nabjo; sekuruwe se se makgolo se se marotholodi a pula ke batlogolo ba Mathupi a di kgwetšwe seketane. Yo a thapetšego manthata di tswetše o mošweu a šala  a lla tšiu o yo montšhi a šitwa ke go nkgatoga ge a tia lekgopolotše, ke letlankana o papa Ngwakoana Mabitsela. Ke batlogolo ba Matebe kgomomothoan' e monnyane a mmalekakana bare Matebe a gabo ba mmitša. Moka o bitšwa ke mmamaropene a boile leeto o re  e tla o khunele bana dithokgolo. Monna ke thopi mmaMošibudi a ramme.... Tsumele wee!!!!! Ke tjhaba baditi......... inama se go tshele!!!!! Shadrack McDonald Mabitsela Tau se jela leopeng 29/03/1975 E ngwadilwe lehono Laboraro ka di 11 July 201

  • Ditau   Mabitsela tau sejela leopeng   Ke Mabitsela’ bo Dikgoši , Tau sejela leopeng; segantšha magokobu ‘a mehlaka le magaka ledimo letšoga phulong mehlape ya inyela mešifa.   Ke motho wa bo chika mokatse wa Tsomele wa nkekenene. Ditau ge di eja di a bopa di etša maloba ge di bolaya……   Ditau weeeeeeeeeeee!!!!!!!!!!!!!!!!!!!!!!!!!   SM Mabitsela 2013/07/18

  • SERETO SA GA MABITSELA – DITAU   Ke bo Mabitsela a bo Dikgoši, Tau sejela leopeng Se gakantšha magaka le magokobu a mahlaka Rampuwele ke a tloga, Motau wa bo dikatana.   Motau o lebelo go lwa ka thipa o se lahle, Maremela wa bo Masai, Tlou remela o sepela, Kabu-kabu lenyama le fe ya batho Le loma la kgora ya bo mosela yo mošweu.   O thitsa a fiwa ke mang Mmasekgotse a ile badimong, Pula ya mola wa kgomo ke seotše Marothobolong, Pula ya bosasa a Mabitsela,   Ke batho ba boyago lefa-laolo la mpata a kgori leotla dipororo, Ke Motsomele o mohwibidu wa Machika a Matsepe       SM Mabitsela 2013/09/05

  • Sereto 1Ditau -Matsumela a ma hwibiduKe Mabitsela wa ramme Tau sejela leopeng. Le ge o ka e jela leopeng, magokobu a go bona. Ke batho ba bo tlhatla phokeng, motho wa mokgoshi wa mosegare.Ke batho ba bo thikamatsepe ramano. Kgwading se kokotela lebitsi mokgotheng. Ko tsumele e tshwetse ka mosela - Tsumele wee!!!!!Sereto 2Rita wee la morokobala la itjwe le mahufa gobediKe Rita la mmamokgadi le Rita selemo, lehlabula e be mehudi ya phoka-noka. Ba re o se bone Rita go ifala bonana ba yona e humane.Ke ba sekurumane sa ya lla se se rego nkaba Matome a Rita ka opela koma borethe le macheru a motlapema le mothata modula maeba.Banye bja lefe Matome bja nkgahla ka ya kumula ka leba nabjo; sekuruwe se se makgolo se se marotholodi a pula ke batlogolo ba mathupi a di kgwetjwe seketane.Yo a thapetjego manthata di tswetje o moshweu a shala  a lla tjiu o yo montjhi a shitwa ke go nkgatoga ge a tia lekgopolotje, ke letlankana o papa ngwakoana Mabitsela.Ke batlogolo ba matebe kgomomothoan' e monyana a mmalekakana bare matebe a gabo ba mmitja.Moka o bitjwa ke mmamaropene a boile leeto o re  e tla o khunele bana dithokgolo.Monna ke thopi mmamoshibudi a ramme....Ke tjhaba baditi......... inama se go tshele!!!!!Shadrack McDonald Mabitsela Tau se jela leopeng29/03/1975 E ngwadilwe lehono Laboraro ka di 11 July 2012

Surnames